Sean Penn

Sean Penn
presidente del xuráu del Festival de Cannes 2008 - ← Stephen Frears - Isabelle Huppert →
Vida
Nacimientu	Santa Monica[1], 17 d'agostu de 1960[2] (63 años)
Nacionalidá	Estaos Xuníos
Llingua materna	inglés
Familia
Padre	Leo Penn
Madre	Eileen Ryan
Casáu con	Madonna (1985 – 1989) Robin Wright (1996 – 2010) Leila George (2020 – div. 2021)
Pareyes	Charlize Theron Elizabeth McGovern Susan Sarandon
Fíos/es	Dylan Penn Hopper Penn (es)
Hermanos/es	Chris Penn Michael Penn
Estudios
Estudios	Santa Monica High School (es) Santa Monica College (es) (xunetu 1920 -
Llingües falaes	inglés[3]
Oficiu	actor de cine, direutor de cine, guionista, productor de cine, actor de teatru, actor de televisión, actor, activista políticu, actor de voz, realizador
Altor	1,73 m
Premios	ver Premiu del Festival de Cannes al meyor actor  (1997) : She's So Lovely Copa Volpi al mejor actor  (1998) : Hurlyburly Copa Volpi al mejor actor  (2003) : 21 Grams Óscar al meyor actor  (2004) : Mystic River[4] Globu d'Oru al meyor actor dramáticu  (2004) : Mystic River Óscar al meyor actor  (2009) : Milk Orde al Méritu de tercer clas  (23 agostu 2022) [5]
Nominaciones	ver Anexo:Razzie al peor actor (es) (1987): Shanghai Surprise[6] Óscar al meyor actor (1996): Dead Man Walking Óscar al meyor actor (15 febreru 2000): Sweet and Lowdown Óscar al meyor actor (12 febreru 2002): I Am Sam Óscar al meyor actor (27 xineru 2004): Mystic River Óscar al meyor actor (22 xineru 2009): Milk
Miembru de	Writers Guild of America West (es)
Creencies
Relixón	teísmo agnóstico (es) [7]
Partíu políticu	Partíu Demócrata
IMDb	nm0000576

Sean Justin Penn (17 d'agostu de 1960, Santa Monica) ye un actor, direutor y políticu d'Estaos Xuníos. Foi gallardoniáu, ente otros, con dos Premiu Óscar pola so interpretación nes películes Mystic River (2003) y Milk (2008).

Empezó la so carrera como actor con una curtia apaición nun episodiu empobináu pol so padre Leo Penn na serie televisiva Little House on the Prairie (1974). En 1981 y realizando primeramente para telefilmes dellos papeles, debutaría nel cine cola película Taps (1981). Mientres la década de los 80, interpretaría gran variedá de roles en películes como Fast Times at Ridgemont High (1982) o Bad Boys (1983), ente otres. Gracies a la so interpretación na película empobinada por Brian de Palma, Carlito's Way (1993), llogró l'atención de la crítica y empezó a destacar como actor gracies al so papel de condergáu a muerte en Dead Man Walking (1995) xunto a Susan Sarandon, siendo nomáu per primer vegada al Óscar al meyor actor y ganando el Osu de Plata a la meyor interpretación masculina del Festival Internacional de Cine de Berlín por ello. Volvería ser nomáu al Óscar dos veces más polos sos papeles protagonistes na comedia dramática de Woody Allen, Sweet and lowdown (1999) y nel drama I am Sam (2001). Dos años dempués de la so última nominación, consiguiría'l so primera Óscar al meyor actor de la mano de Mystic River (2003) y el so segundu, cinco años dempués, por Milk (2008). Tamién foi gallardoniáu col Premiu al meyor actor del Festival de Cannes por She's So Lovely (1997) y dos Copa Volpi del Festival de Cine de Venecia por Hurlyburly (1998) y 21 gramos (2003).

Debutó como direutor cola película The Indian Runner (1991), siguíes dempués col drama The Crossing Guard (1995) y The Pledge (2001), dambes protagonizaes por Jack Nicholson. En 2002, dirixó un fragmentu de la película 11'09"01 - September 11, realizada en respuesta a los Atentaos del 11 de setiembre de 2001. El so cuartu llargumetraxe, Into the Wild (2007), foi aclamáu pola crítica y recibió dos nominaciones a los Óscar por meyor actor de repartu a Hal Holbrook y meyor montaxe.

Amás del so llabor nel cine, ye conocíu pol so activismu políticu y social, especialmente pola so crítica escontra l'Alministración Bush, la so amistá colos presidentes de Venezuela y Cuba, según pol so llabor humanitaria nes remortines del furacán Katrina en 2005 y el terremotu d'Haití de 2010. Tamién atraxo l'atención de los medios de comunicación por cuenta de los sos matrimonios anteriores cola cantante Madonna y l'actriz Robin Wright, cola cual tien dos fíos.

1. ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Afirmao en: Gemeinsame Normdatei. Identificador GND: 129660833. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
3. ↑ Identificador CONOR.SI: 14485603. Afirmao en: CONOR.SI.
4. ↑ Identificador IMDb: event/ev0000003/2004/1.
5. ↑ URL de la referencia: https://www.president.gov.ua/documents/5952022-43765.
6. ↑ URL de la referencia: http://razzies.com/asp/content/XcNewsPlus.asp?cmd=view&articleid=25. Direición web d'archivu: https://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=25. Data de consulta: 26 payares 2019.
7. ↑ URL de la referencia: https://hollowverse.com/sean-penn/.